Cognon tipic di Osôf (1623 Dominica filia Jacobi Poii; Dominici Poij; 1626 Domenigo di Poij detto Polenta). Nol è facil di spleâ; si pues pensâ al plurâl di pôl (altris nons di arbui a àn dât cognons), o a un toponim no ben identificât (la fuartece e dave acet a personis di altris regjons de Republiche Venite). Nol è di scartâ un plurâl di Pol che al ecuivaleve a "Paolo". Il cognon simil De Poi si lu cjate in Venit: Sospirolo (BL), Vidor (TV), e v.i. Presint ancje a Udin.